դաշտ

Վիքիբառարան-ից

Հայերեն

Արարատյան դաշտ

Դասական ուղղագրութեամբ՝

վանկեր՝ դաշտ 

Ստուգաբանություն[խմբագրել]

Փոխառություն իրանական աղբյուրից. հմմտ. միջին պարսկերեն, պարսկերեն dašt:

Գոյական

  1. անտառազուրկ հարթ տարածություն՝ հարթավայր
  2. մշակովի տարածություն, հանդ
  3. արոտավայր, արոտատեղ
  4. որևէ բանի՝ մշակույթի հատկացված հողամաս՝ հողատարածություն ◆ Ծխախոտի՝ բամբակի դաշտ:
  5. որևէ բանով պատված ընդարձակ տարածություն ◆ Ձյունի՝ սառույցի դաշտ:
  6. որևէ նպատակի համար պատրաստված ասպարեզ, հրապարակ ◆ Ֆուտբոլի՝ թենիսի դաշտ:
  7. հիմք, հիմնական գույն, որի վրա նկարված՝ ներկված է որևէ բան կամ նախշեր են արված, միագույն տարածություն որևէ բանի (թղթի՝ թիթեղի՝ տախտակի և այլնի) վրա ◆ Սպիտակ դաշտի վրա նկարված է մառախլապատ Մասիսը։
  8. (ֆիզ․) տարածություն, որի սահմաններում գործում է որևէ ուժ ◆ Մագնիսական՝ ձայնային՝ էլեկտրական դաշտ:
  9. (նորբ․) որևէ գործունեության բնագավառ, ասպարեզ (քաղաքական, դիվանագիտական, իրավական, լրատվական ևն) ◆ Հարկավոր է ձևավորել գործունեության իրավական դաշտ, ուր յուրաքանչյուրը կունենա պատասխանատվության իր բաժինը։ Մոլորակ (թերթ) ◆ Արցախի իշխանությունները մտադիր են աշխատել հիմնականում Հայաստանի լրատվական դաշտում: -Իրավունք ◆ Նրանք որդեգրել են Հայ գաղտնի բանակի (Ասալա-ի) ռազմական գործողությունները քաղաքական դաշտ տեղափոխելու ռազմավարություն։ -ԼՈ

Հոմանիշներ[խմբագրել]

  1. դաշտավայր, հարթավայր, դաշտահովիտ, հարթություն, տափարակ, դաշտահարթ, դաշտագետին, արաբովթ, դաշտարան, լեռնադաշտ, սարահարթ, մարգճակ, էջրտոյ, արտ, անդաստան, արոտատեղ, արոտ
  2. տե՛ս հանդ
  3. տե՛ս արոտավայր
  4. տե՛ս հողամաս (1)
  5. տե՛ս ասպարեզ, հրապարակ
  6. տե՛ս ռազմադաշտ

հականիշներ[խմբագրել]

  1. լեռ

Արտահայտություններ[խմբագրել]

  1. անտեսանելիության դաշտ - հակառակորդի տեսադաշտից դուրս գտնվող տարածքը
  2. իրավական դաշտ - իրավական կարգավորման մեխանիզմ, որը ներառում է այսպես կոչված հատուկ իրավաբանական մորմերը, իրավահարաբերությունները իրավունքի սյուբեկտների կողմից իրենց իրավունքների և պարտականությունների իրացման ակտերը, իրավակիրառման ակտերը
  3. չեզոք դաշտ
    1. հակառակորդի և յուրային առաջադիր կետերի (դիրքերի) միջև եղած տարածությունները
    2. չեզոք միջազգային գոտի
    3. խրամատների միջև եղած տարածություներ
  4. ռազմի դաշտ - տե՛ս մարտի դաշտ

Աղբյուրներ[խմբագրել]

  • Սեդա Էլոյան, Արդի հայերենի նորաբանությունների բառարան («Նաիրի» հրատարակչություն), Երևան, «Հայաստան», 2002 — 492 էջ։
  • Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
  • Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։