որևէ ուժի՝ ճնշման՝ ներգործության և այլնի հակազդել՝ դիմադրել ◆Նրա հուժկու բանակի առաջ հագարացոց զորությունը չկարողացավ դիմանալ: (Մուրացան)◆Բերդականները դիմանում ու դիմադրում էին` որքան կարողանում էին: Ստեփան Զորյան
տանել որևէ անախորժություն` ցավ` հիվանդություն` տանջանք և այլն, տոկալ, համբերել ◆Դուղ էլ, անուշ սար ու ձորեր, Չեք դիմանա էս դարդին: Հովհաննես Թումանյան
ուժի` ճնշման ազդեցության տակ չփլվել` չքանդվել, կանգուն մնալ ◆Հին ամբարտակը դիմացել էր մի պահ, ապա դեմ առած կոճղերը հրել էին հողաբլուրը: (Ակսել Բակունց)
որևէ արտաքին ազդեցութւան չենթարկվել, կայուն մնալ, չքայքայվել ◆Այժմյան կառուցող ճարտարապետն [պետք է] իմանա, ...թե ինչ շաղախով են դիմանում պատերը երկար դարեր: (Վահան Թոթովենց)◆Ատամների էմալը չէր դիմանում սառնությանը և քայքայվում էր: (Վահան Թոթովենց)
(բրբ․) բավականացնել, հերիքել, բավական լինել, բավարարել, հերիք անել
չընկճվել, չճնշվել, տեղի չտալ, չնահանջել, դիմադրել ◆Նա այդպիսով զգում է հոգու թեթևություն, սակայն ոչ մի կերպ չէր դիմանում իր հարազատ մարդու հանդիմանող հայացքին: (Ակսել Բակունց)
գոյությունը պահպանել` հարատևել, գոյատևել ◆Անշուշտ այդպիսի մի ազգ չպիտի դիմանար գալիք դեպքերի նույնիսկ առաջին հարվածներին, եթե չստեղծեր մի կուռ կազմակերպություն: (Վահան Տերյան)
համապատասխանել ◆Վարդանը շատ լավ հասկանում էր, որ գալիք պատերազմը այդ ռազմակարգերի ոչ մեկի պահանջներին չէր դիմանում, որ սա մի պարզունակ պատերազմ էր լինելու, հղի մեծ վտանգներով: Դերենիկ Դեմիրճյան
ենռարկվելով ստուգման` քննության, բավարարել տրված պահանջներին ◆Գիրքը բոլոր տեսակի քննադատություններին դիմացավ:
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230էջ, ISBN 978-99941-1-933-2։
