իջեցնել
Jump to navigation
Jump to search
Հայերեն
- ՄՀԱ՝ [id͡ʒɛt͡sʰˈnɛl]
Դասական ուղղագրութեամբ՝
վանկեր՝ ի•ջեց•նել
Ստուգաբանություն[խմբագրել]
Բայ
- բարձր տեղից մի բան ցած բերել ◆ Արձանը պահարանի վրայից իջեցրու:
- գրկած՝ շալակած՝ բռնած բանը ցած բերել, վայր դնել ◆ Տոպրակն ուսից իջեցրեց ու նստեց քարին հանգստանալու։
- բեռը թափել, բեռնաթափել ◆ Մեքենայի բեռը իջեցրեց հենց գրասենյակի առջև։
- հեծած՝ նստած բարձր տեղից վեր բերել ◆ Երեխային ձիուց իջեցրեց:
- դեպի խորքը տանել, մի բանի մեջ դեպի ցած խորացնել ◆ Դույլը ջրհորի մեջ իջեցրեց:
- սուզել, խորասուզել ◆ Նավաստիներից երկուսին իջեցրին ջրի մեջ։
- դեպի ցած խոնարհել՝ թեքել՝ հակել ◆ Գլուխն իջեցնել:
- դեպի ցած ուղղել՝ դարձնել ◆ Հայացքն իջեցրեց մեռնող կրկեսամարտիկի վրա։
- ծայրը բաց թողնել՝ արձակել, որպեսզի կախվի՝ ցած իջնի ◆ Վարագույրն իջեցնել, գուլպաներն իջեցնել:
- ցածրաձայնել, ձայնի աստիճանը ցածր դարձնել
- ցած դնել, մի բանի վրա դնել ◆ Գլուխն իջեցրեց բարձին։
- վերևից դեպի ներքև վարել՝ քշել ◆ Հոտը սարալանջից իջեցրեց ձորը։
- բարձրությունը փոքրացնել՝ նվազեցնել ◆ Առաստաղը շատ էր բարձր, իջեցրին:
- գետնին բերել, վեր բերել գետն ի վրա, հարկադրական վայրէջք կատարել տալ ◆ Թշնամու երեք ինքնաթիռ իջեցրին:
- թուլացնել ◆ Ճնշումն իջեցնել:
- նվազեցնել ◆ Ջերմությունն իջեցնել:
- պակասեցնել, զեղչել ◆ Գներն իջեցնել:
- մեղմացնել ◆ Զայրույթն իջեցնել:
- մի բանի վրայից պոկել՝ վերցնել՝ հեռացնել՝ հանել՝ վերացնել ◆ Նկարն իջեցրել են պատից։ ◆ Գլխարկդ իջեցրու:
- իջևան տալ, տեղ տալ, տեղավորել ◆ Եկվորին իջեցրին տանուտերի տանը։
- բարձր պաշտոնից ավելի ցածր պաշտոնի տանել, բարձր պաշտոնից հանել ◆ Նրան իջեցրին և ստորին աշխատանքի տարան։
- ստորացնել, պատիվը գցել ◆ Ինչու՞ քո պատիվն այդքան իջեցրիր:
- վերևից դեպի ցած հարվածել՝ խփել, հասցնել ◆ Սուրն իջեցրեց նրա գլխին։
- դեպի ցած շարժվելով փակել կամ բացել ◆ Դարպասներն իջեցրին Կոպերն իջեցրեց: ◆ Կամուրջն իջեցրին:
- աղոտացնել, թուլացնել ◆ Լամպի լույսն իջեցրեց:
- նսեմացնել, արժեքը փոքրացնել ◆ Այս թերությունները չեն իջեցնում հետազոտության արժեքը։
- բխեցնել, ծագեցնել ◆ Նա իրեն ուղիղ գծով իջեցնում էր Պռոշյան տոհմից։
- ամառանոցից ետ բերել ◆ Անասուններին արդեն գյուղն են իջեցրել:
- վատացնել, ցածրացնել, գցել (որակը, կարևորությունը, մակարդակը և այլն) ◆ Որակը շատ ես իջեցրել:
- վերադասից ստորադասին ուղարկել՝ հղել ◆ Առաջադրանքներն իջեցրել են կազմակերպություններին։ ◆ Հրահանգ՝ պլան իջեցնել:
- (խոհր․) մթերքներ և այլն գնելիս փորձել սակարկել, գինը իջեցնել
Հոմանիշներ[խմբագրել]
- ցած բերել, վայր բերել, վար առնել, ցած առնել
- վայր դնել
- բեռնաթափել, դատարկել
- վեր բերել
- ջրարկել
- տե՛ս սուզել, խորասուզել
- թեքել, հակել
- տե՛ս ցածրացնել
- ցած դնել
- տե՛ս նվազեցնել, փոքրացնել
- տե՛ս թուլացնել
- տե՛ս զեղչել, պակասեցնել, էժանացնել
- տե՛ս մեղմացնել, հանդարտեցնել
- տե՛ս ստորացնել, նվաստացնել
- տե՛ս տեղավորել
- տե՛ս աղոտացնել, թուլացնել
Արտահայտություններ[խմբագրել]
| Բաղադրյալ բառեր | |
| Թարգմանություններ | |
| |
| Խոնարհում | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։