կաղապար

Վիքիբառարան-ից
3310 - Athens - Stoà of Attalus Museum - Mould - Photo by Giovanni Dall'Orto, Nov 9 2009.jpg

Դասական ուղղագրութեամբ՝ կաղապար

Վանկեր՝ կա•ղա•պար 

Ստուգաբանություն[խմբագրել]

Փոխառություն իրանական աղբյուրից՝ *kalapaδ (< հունարեն καλιοποδιον):

Գոյական

  1. նմուշ, որից հանում են ձև՝ մի այլ նյութով ձուլելու կամ վերարտադրելու համար ◆ Ափրոն հանեց տախտակից շինած քառակուսի կաղապարներն ու կավը ջրով շաղախելով սկսեց աղյուսներ թափել: (Հրաչյա Քոչար)
  2. որևէ գործիքի հիմքը կազմող փայտե չորսու
  3. ոտքի թաթի ձև տրված փայտ, որի վրա ոտնաման են կարում
  4. կոշիկ մաքրողի արկղի վրա սարքած՝ կոշկի տակի ձևով տախտակե հարմարանք, որի վրա դնում են ոտքը՝ կոշիկը մաքրելիս
  5. նույնն է՝ չափան
  6. (փխբ․) կերպար, կերպարանք, կրկնօրինակ ◆ Կը զմայլեի ժամերով հասակին վրա վեհ պատկեր, որ Ոլիմբիան Աստված մը կաղապար էր: (Դանիել Վարուժան)
  7. (փխբ․) հանգամանք՝ պայմաններ՝ վիճակ և այլն, որոնցով պայմանավորվում է մեկի գործելու կերպը՝ վարքագիծը՝ վերաբերմունքը
  8. (փխբ․) ընդունված՝ սովորական կամ կանոնական դարձած օրինակ՝ ձև՝ նմուշ, որին կուրորեն հետևում են
  9. նույնն է՝ ձևատիպար, նմուշակ

Հոմանիշներ[խմբագրել]

  1. տե՛ս ձևատիպար, նմուշակ
  2. տե՛ս դարիճակ

Արտահայտություններ[խմբագրել]

  1. կաղապարի մեջ դնել - սահմանափակել, կաշկանդել