կպչել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ կ(ը)պ•չել 

Ստուգաբանություն[խմբագրել]

Բայ

  1. մակերեսով միանալ մի բանի, փակչել ◆ Թռուցիկը պատին կպած էլ մնում էր։
  2. կցվել, կցվելով միանալ ◆ Ձողի երկու կտորները ամուր կպել են իրար։
  3. ամրանալ, ամրացած լինել, մեխվել ◆ Ծառը բարձր էր, մի ապառաժի կուրծքին կպած (Րաֆֆի)
  4. շատ մոտենալով քսվել, շոշափել, հպվել ◆ Նրանց կանաչ տերևները կպել էին ապակուն (Ակսել Բակունց)
  5. կիպ մոտենալ, սեղմ կերպով կողք-կողքի լինել ◆ Իրար կպել ու նստել են պարտեզի նստարանին։
  6. դիպչել, բախվել ◆ Ձեռքը կպավ ծառին։
  7. տունկը՝ սածիլը՝ պատվաստը ևն բռնել, աճել ◆ Մայթերի բոլոր նորատունկ ծառերը կպել են։
  8. մակարդվել (մածնի)
  9. հենվել ◆ Նա մեջքով կպել էր ծառին ու ծխախոտ էր փաթաթում։
  10. անջատված՝ իրարից հեռացած տեղերը միանալ ◆ Ձեռքը դուրս էր ընկել, հիմա կպել է։
  11. (փխբ․) մոտ՝ մերձակա՝ ոչ հեռու լինել ◆ Մեր գյուղերը իրար են կպել, ձեռքդ մեկնես՝ մեկից մյուսին կհասնի։
  12. եռանդով մի բանի ձեռնարկել, մի բան սկսել՝ անել ◆ Տղաները գործի կպան։
  13. մի բանով տարվել, նվիրվել մի բանի ◆ Նա հիմա… կպել է տան ու կոլխոզի գործերին։ ◆ ՍԽ
  14. կծկվել, կուչ գալ ◆ Վախից նա կպել էր գետնին ու սսկվել։
  15. հոգեպես կապված լինել, հոգեկան կապ՝ հարազատություն ունենալ ◆ Ու սրտով կպած իրարից հեռու մենք սկսեցինք սիրտ տալ իրարու Հովհաննես Թումանյան
  16. (խսկց․) ազդել, ներգործել ◆ Գինին… կպել էր երկուսին էլ։ (Նար-Դոս) ◆ Անտեղի կշտամբանքը կպավ նրա սրտին։
  17. ընդհարվել, բախվել, վիճել, կռվել ◆ էս անգամը կպան իրար։ Հովհաննես Թումանյան
  18. մեկից՝ մի բանից ձեռք չքաշել, չհրաժարվել, օձիքը բաց չթողնել, պոկ չգալ ◆ Կպել է՝ թե արի գնանք։
  19. հաջողվել, հաջող ընթանալ, գլուխ գալ ◆ Զրույցը չէր կպչում։
  20. վառվել, այրվել սկսել, բռնկվել ◆ Չոր փայտը միանգամից կպավ։
  21. նպատակակետին՝ նշանին դիպչել ◆ Գնդակը կպավ նշանի հենց կենտրոնին։
  22. հավանել, սիրել, սեր տածել ◆ Սիրտը կպել է նրան, էլ ուրիշին չի նայում։
  23. (ժղ․) կոխ բռնել, ըմբշամարտել

Հոմանիշներ[խմբագրել]

  1. փակչել, կափչել, կպնել, (ժղ․) մածնուլ (գվռ․) կպչտել, շմփլել,
  2. կցվել
  3. աճել, բուսնել, կանաչել, արմատ բռնել, արմատ ձգել
  4. տե՛ս ամրանալ
  5. տե՛ս քսվել
  6. տե՛ս դիպչել
  7. տե՛ս մերվել
  8. տե՛ս նվիրվել
  9. տե՛ս հենվել
  10. տե՛ս սկսկել
  11. տե՛ս ազդել
  12. տե՛ս վիճել
  13. տե՛ս կռվել
  14. տե՛ս հաջողվել
  15. տե՛ս կծկծվել
  16. տե՛ս վառվել
  17. տե՛ս հավանել
  18. տե՛ս այցելել

Արտահայտություններ[խմբագրել]

Աղբյուրներ[խմբագրել]