մուտք

Վիքիբառարան-ից

Հայերեն

Դասական ուղղագրութեամբ՝

վանկեր՝ մուտք 

Ստուգաբանություն[խմբագրել]

  1. բնիկ հնդեվրոպական թերևս * mōd- «հանդիպել, մոտենալ» արմատից. հնարավոր է բաղարկում *meug- *mug- (>մոյծ, մուծ-) արմատի հետ (տե՛ս). հմմտ. նաև մատնիչ, մուտ:

Գոյական

  1. մտնելը, ներս մտնելը
  2. այն տեղը, որտեղից մտնում են մի բանի ներսը, բերան, պռունկ
  3. դուռ
  4. արևի մայր մտնելու տեղը, արևմուտք
  5. մայրամուտ, արևի մայր մտնելը
  6. մտնելու իրավունք
  7. ժամանում
  8. սկիզբ (առավելապես՝ տարվա՝ եղանակների՝ ամիսների մասին)
  9. (փխբ․) եկամուտ, հասույթ
  10. ստացված գումար
  11. ստացվող գումարների հաշիվ
  12. հաշվապահական հաշվառման մատյանի (գրքի և այլն) ձախ կողմի երեսը, որտեղ գրանցվում են ստացվող գումարները և ապրանքները
  13. (մրմն․) գործիքի մոտ ելադիրքից հենման ձեռքի շուրջը բոլորածիր շարժումով գործիքի վրա անցնելը բնորոշելու տերմինն է
  14. (մրմն․) նժույգի առջում ելադիրքից կամ նրա մարմնի վրա հենումից շրջանաձև շարժումով հենման ձեռքի շուրջը (հետդարձով) բռնակների վրա մարմնամարզիկի հենման անցնելը բնորոշող տերմին է

Հոմանիշներ[խմբագրել]

  1. մուտ
  2. բերան, պռունկ, անցք
  3. դուռ, դարպաս, դրույլ
  4. գավիթ , նախասրահ, նախասենյակ, միջանցք, (ժղ․) հաշտ, շվաք
  5. տե՛ս արևմուտք
  6. տե՛ս ժամանում
  7. տե՛ս սկիզբ
  8. տե՛ս նախաբան, ներածություն
  9. տե՛ս հասույթ, եկամուտ
  10. տե՛ս հաշիվ

Արտահայտություններ[խմբագրել]

  1. մուտք անել - իբրև մուտք գրանցել՝ հաշվի առնել՝ մտցնել
  2. մուտք բացել
    1. մտնելու տեղ բացել
    2. մուտքը՝ մտնելը թույլատրել
  3. մուտք գործել - ներս մտնել, թափանցել
  4. մուտք ունենալ
    1. մտնելու տեղ՝ անցք ունենալ
    2. մտնելու իրավունք՝ թույլատրություն ունենալ
  5. մուտքի մատյան - հիմնարկության մուտքերը գրանցելու մատյան

Աղբյուրներ[խմբագրել]

  • Կ․ Կ․ Բաբայան, Մարմնամարզական տերմինների տեղեկատու բառարան («Հայաստան» հրատարակչություն), Երևան, 1985 — 184 էջ։