շղթա

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ շղթայ

վանկեր՝ շ(ը)ղ•թա 

Ստուգաբանություն[խմբագրել]

Փոխառություն՝ արամերեն šīšiltā (ասորերեն šīšaltā):

Գոյական

  1. իրար հագցրած մետաղե օղակների երկար շարան՝ զանազան բաներ կապելու կամ քաշելու համար
  2. թանկագին մետաղներից պատրաստված նույնպիսի, բայց նուրբ շարան, որպես զարդ, որ գցում են վզին, բազկին և այլն
  3. լեռնաշղթա
  4. միմյանց հաջորդող միատեսակ առարկաների շարք ◆ Էլեկտրալամպերի շարք:
  5. մարդկանց՝ զինվորների՝ մարզիկների և այլն խիտ ու երկարորեն ձգվող շարք
  6. (փխբ․) իրար հաջորդող երևույթների՝ դեպքերի՝ մտածությունների և այլն շարք: ◆ Իր գորշ, իր միապաղաղ կյանքում… որ ամբողջովին մի շղթա էր գորշ, փոքրիկ հոգսերի: Եղիշե Չարենց
  7. (փխբ․) կապանք, ոտքերը՝ ձեռքերը կապելու մետաղյա գոտի կամ օղերի շարան
  8. (փխբ․) ստրկություն, լուծ
  9. (փխբ․) կաշկանդիչ՝ արգելակիչ՝ ազատությունը, խափանող հանգամանք, կապանք ◆ Սիրո անհաղթահարելի շղթաներ:
  10. (մսնգ․) իրար հետ միացած և մեկ անընդհատ գիծ՝ հոսանք ևն կազմող տարրերի՝ մասերի՝ միավորների ամբողջություն: ◆ Կառավարման շղթա: Էլեկտրական շղթա, կոնվեյերային շղթա:
  11. (ռազմ․) հարձակման ժամանակ զինվորների դասավորությունը մարտակարգում ճակատով մեկ գծի վրա իրարից 6-8 մետր (8-12 քայլ) հեռավորության վրա

Հոմանիշներ[խմբագրել]

  1. շարան
  2. տե՛ս շղթայաշար
  3. շարք, շարվածք, շարան, շար, ջերկ (մարդկանց, կենդանիների, առարկաների և այլնի իրար կողք-կողքի կամ իրար ետևից մի գծով դասավորված խումբ) (գվռ.)
  4. տեղան, շարան, տող, շար (մարդկանց, զինվորականների ամեն մի շարը)
  5. շարան, շարոց, շարոցք (միատեսակ առարկաների շարան)
  6. կարգ (մեկ գծի վրա դասավորված նստատեղեր` թատրոնում, կինոյում, մարզադաշտում և այլն)
  7. հաջորդություն (իրար հաջորդող երևույթների ամբողջություն)
  8. քանակություն (որևէ բանի)
  9. կազմ (որոշ հարաբերություններով իրար հետ կապված մարդկանց ամբողջություն)
  10. թիվ, քանակ, չափ (որոշ բանի)
  11. տե´ս հաջորդականություն
  12. տե´ս մատենաշար
  13. տե´ս կրպակաշար
  14. տե´ս հերթ, հերթականություն
  15. տե´ս լեռնաշար
  16. տե՛ս շղթայակապանք
  17. տե՛ս լուծ
  18. տե՛ս լեռնաշղթա

Արտահայտություններ[խմբագրել]

Աղբյուրներ[խմբագրել]

  • Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։