ջերմություն

Վիքիբառարան-ից

Հայերեն

«ջերմություն» ժեստը հայերեն ժեստերի լեզվով
  • ՄՀԱ՝ [d͡ʒɛɾmutʰˈjun]

Դասական ուղղագրութեամբ՝ ջերմութիւն

վանկեր՝ ջեր•մութ•յուն 

Ստուգաբանություն[խմբագրել]

Գոյական

  1. (ֆիզ․) էներգիայի մի տեսակը, որ ստեղծվում է մարմնի մասնիկների (ատոմների, մոլեկուլների և այլնի) չկարգավորված շարժումներով և արտահայտվում է մարմնի տաքացումով
  2. տաքացած վիճակ, որևէ բանի բարձր ջերմաստիճան, ջերմ կամ տաքացրած առարկայից՝ աղբյուրից ծագող տաք օդ ◆ Արևի ճառագայթների ջերմություն: ◆ Վառարանի ջերմություն:
  3. ներքին ջերմ վիճակ առաջացնող զգացողություն ◆ Գինու ջերմությունը շուտով տաքացրեց նրա գլուխը։
  4. ջերմային էներգիա ◆ Հորդահոս գետերն են սանձահարվում և միանգամից գահավիժելով ցած՝ դառնում լույս, ջերմություն: (Բ. Վերդյան)։
  5. տաքության չափը՝ աստիճանը, որևէ բանի ջերմային բնութագիրը ◆ Օդի ջերմությունը: ◆ Սենյակի ջերմությունը:
  6. կենդանի օրգանիզմի ջերմային վիճակը ◆ Մարմնի ջերմությունը:
  7. սահմանված չափից՝ սովորական նորմայից և այլնից բարձր տաքություն՝ ջերմաստիճան ◆ Բժիշկն առաջին հերթին ցանկացավ իմանալ, թե արդյոք հիվանդը ջերմություն ունի՞:
  8. (փխբ․) վերաբերմունքի՝ հարաբերությունների մտերմականություն ◆ Զարմանալիորեն այդ օրը նրա մեջ զգացվում էր մի արտակարգ ջերմություն ու սրտաբացություն։
  9. (փխբ․) ներքին խանդ՝ ավյուն, կրակ ◆ Մի փոքր ջերմություն է պետք նրան, այլապես նա հոգեկան անտարբերությունից իրեն կկորցնի, սառն է ամեն ինչի նկատմամբ։
  10. (փխբ․) խանդավառություն, ոգևորություն ◆ Նորեկ երիտասարդներն արտակարգ ջերմությամբ էին աշխատանքի կպել։
  11. (փխբ․) զգացմունքայնություն, հույզ ◆ Բանաստեղծաթյուն է կոչվում, բայց զուրկ է ջերմությունից, այդ պատճառով էլ չի հուզում ընթերցողին։
  12. (փխբ․) եռուզեռ, իրարանցում, որևէ բանի բուռն ընթացք ◆ Կռիվների հրատապ ջերմության մեջ, ամբողջ օրը նա այն աստիճան հափշտակված էր յուր գործողություններով, որ բնավ չնկատեց, թե ինչ է կատարվում յուր հետ։ (Րաֆֆի)

Հոմանիշներ[խմբագրել]

  1. տաքություն
  2. տե՛ս ջերմաստիճան
  3. տե՛ս մտերմություն
  4. տե՛ս կրակ
  5. տե՛ս զգացմունքայնություն
  6. տե՛ս եռուզեռ

Արտահայտություններ[խմբագրել]

  1. ջերմության թերթիկ (բժշկ․) - հիվանդի մարմնի ջերմաստիճանի տվյալները գրանցելու թերթիկ, որով որոշվում է հիվանդության ընթացքը

Աղբյուրներ[խմբագրել]

  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։