սառույց

Վիքիբառարան-ից
Ice in Arctic 2009.jpg
El Calafate banner Perito Moreno Glacier.jpg

Դասական ուղղագրութեամբ՝ սառոյց

Վանկեր՝ սա•ռույց 

Ստուգաբանություն[խմբագրել]

Գոյական

  1. սառելով կարծր վիճակի փոխարկված ջուր
  2. սառած ջրից գոյացած համատարած շերտ՝ զանգված ◆ Արկտիկական սառույց:
  3. սառցեղեն կտոր ◆ Սառույցն ընկավ մայթին:
  4. (փխբ․) չափազանց սառն՝ ցուրտ բան ◆ Այդ աղբյուրի ջուրը սառույց է. մատդ մի վայրկյան մեջը պահել չես կարող:
  5. (փխբ․) որևէ բանի խտացած՝ խիստ շեշտված արտահայտություն՝ դրսևորում ◆ Ատելության սառույց:
  6. (փխբ․) անդրդվելի՝ անսասան վերաբերմունք՝ զգացմունք՝ հանգամանք, կայուն կերպով հաստատված՝ արմատացած երևույթ ◆ Պահպանողականության սառույցը խանգարում է ամեն մի առաջընթացի:
  7. (փխբ․) սառն անտարբեր վերաբերմունք, սառնություն, անտարբերություն ◆ Չքացել էր նախկին ջերմությունը և տեղի տվել մի անտանելի սառույցի, որ անկարելի էր դարձնում ամեն մի մտերմական գրույց:

Ածական

  1. սառցեղեն, սառցե ◆ Գետը հորձանքով տվեց ու փշրեց սառույց շերտերը (Հովհաննես Հովհաննիսյան)
  2. (փխբ․) սառն, սառույցի պես սառը ◆ Սառույց ջուր չունե՞ք: ՎԽ

Հոմանիշներ[խմբագրել]

  1. սառույցք, պաղ, լոռղա
  2. տե՛ս ցուրտ, ցրտություն,
  3. տե՛ս անտարբերություն
  4. տե՛ս սառը

Արտահայտություններ[խմբագրել]

  1. սառույց դառնալ
    1. մրսելուց սաստիկ ցրտից սառչել
    2. չափազանց սառը դառնալ, տաքությունից զրկվել (մարմնի և մարմնի անդամների մասին)
    3. սառույցի նման ամրանալ՝ կարծրանալ (ցրտից) ◆ Հոդը սառույց է դառել:
    4. (փխբ․) մակարդվել, կենսական ջերմությունից ու շարժունությունից զրկվել, սառչել
  2. սառույց կոտրվել՝ ջարդվել
    1. Որևէ վերաբերմունքի դիրքորոշման զգացմունքի ամրացած պատնեշը վերանալ, վերաբերմունքը դիրքորոշումը էն փոխվել
    2. Անտարբերության հուլության վիճակը վերանալ
  3. սառույց կտրել
    1. սառչել
    2. սառույցի նման ամրանալ կարծրանալ
    3. սաստիկ մրսել
    4. մրսելուց ընդարմանալ փայտանալ
    5. անտարբերության մատնվեի սառել, սառչել
  4. սառույցի կտոր - անտարբեր՝ անկարեկից մարդ
  5. սառույցի (սառցի) վրա գրել
    1. խաբել
    2. պարտքը ուրանալ
    3. պարտավորությունը չկատարել
  6. սառույցի (սառցի) վրա քաշել - խաբել
Wiki.png
Վիքիպեդիայում հոդված կա հետևյալ թեմայով՝