տարի
Հայերեն
- ՄՀԱ՝ [tɑˈɾi]
Դասական ուղղագրութեամբ՝ տարի
վանկեր՝ տա•րի
Ստուգաբանություն
[խմբագրել]Ծագումն անհայտ է։ Հազիվ թե ծագած լինի ակկադերեն daritu(m) «տևողություն, հավիտենություն» բառից։
Գոյական
- ժամանակի այն տևողությունը, որի ընթացքում երկրագունդը մի լրիվ պտույտ է կատարում արեգակի շուրջը
- որևէ ժամանակից սկսած 12 ամսվա տևողություն
- (աստղագիտություն) ժամանակի տևողություն, որի ընթացքում որևէ մոլորակ մի լրիվ պտույտ է կատարում արեգակի շուրջը
- օրացուցային 12 ամիսների ժամանակաշրջանը, որը հաշվվում է հունվարի 1-ից
- տարեթիվ, թվական
- ուսման՝ ուսումնառության տարեշրջան
- (հնց․) մի ուսումնական տարվա տևողությամբ դասընթաց, մի ուսումնական տարվա համար դասագիրք
- (առավելապես՝ հոգնակի) որոշ ժամանակաշրջան, ժամանակներ ◆ Խառը՝ ձախորդ տարի (տարիներ)։
- (ժղ․) երկար ժամանակ ◆ Մինչև մի բան ես ասում, տարի է քաշում։
- (հոգնակի) հասակ, տարիք
- որևէ բանով բնորոշվող՝ աչքի ընկնող՝ առատ կամ աղքատիկ տարեթիվ՝ ժամանակ ◆ Կռվի՝ սովի տարի
- (գվռ․) նոր տարվա առթիվ թխվող տափակ ու կլոր քաղցր հաց, որի մեջ դնում են դրամ, և, ըստ նախապաշարման, ում որ բաժին ընկնի այդ դրամով կտորը՝ նրա համար այդ տարին բախտավոր կլինի
- տարեկան պլան՝ առաջադրանք՝ աշխատանք ◆ Գործարանը տարին ավարտեց երկու ամիս շուտ
Մակբայ
- երկարատև, շատ երկար, դժվարությամբ՝ շատ դանդաղ անցնող ◆ Զրույց անենք, դեռ տարի գիշեր կա մեր դիմաց (Ժիրայր Ավետիսյան)
- (տրական հոլով)՝ տարին ◆ Տարեկան, յուրաքանչյուր տարի ◆ Ծառերը ծաղկում են տարին մեկ անգամ
- (գործիական հոլով)՝ տարով ◆ Մեկ տարվա ընթացքում, մի տարվա ժամանակամիջոցում ◆ Ով տարով կաճեր, նա կաճեր ժամով Հովհաննես Թումանյան
- (հոգնակի՝ գործիական հոլով) տարիներով, շատ երկար ժամանակ ◆ Տարիներով նրա երեսը չէր տեսնում (Րաֆֆի)
Հոմանիշներ
[խմբագրել]- տարեշրջան
- տարեթիվ, թվական
Արտահայտություններ
[խմբագրել]| Հոլովում |
| Եզակի թիվ | Հոգնակի թիվ | |
|---|---|---|
| Ուղղ. | տարին(ն) | տարիներ(ը) |
| Սեռ. | տարվա | տարիների |
| Տր. | տարվան(ն) | տարիներին(ն) |
| Հայց. | տարի(ն) | տարիներ(ը) |
| Բաց. | տարուց | տարիներից |
| Գործ. | տարով | տարիներով |
| Ներգ. | տարում | տարիներում |
| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն գոյականներ
- Հայերեն բառեր հնացած իմաստով
- Հայերեն բառեր ժողովրդական իմաստով
- Հայերեն մակբայներ
- Քաղվածք/Ժիրայր Ավետիսյան
- Քաղվածք/Հովհաննես Թումանյան
- Քաղվածք/Րաֆֆի
- Բառեր «Արդի հայերենի բացատրական բառարան» գրքից
- Բառեր «Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան» գրքից