ցորեն

Վիքիբառարան-ից
Jump to navigation Jump to search

Հայերեն

Weizenähren.jpg

Դասական ուղղագրութեամբ՝

վանկեր՝ ցո•րեն 

Ստուգաբանություն[խմբագրել]

Ծագումն անհայտ է: Պարզ չէ, թե կապ ունի արդյոք հնդեվրոպական *k՛er- «աճել, սնել» արմատի հետ:

Գոյական

  1. հացազգիների ընտանիքին պատկանող հացատիկային բույս ◆ (Թռչունները) փչացնում են մեր ցորենի հասկերը: (Ղազարոս Աղայան)
  2. այդ բույսի հատիկը, որ աղալով՝ ալյուրի վերածելով գործածում են հաց և զանազան խմորեղեն թխելու համար ◆ Աղորիքները վետվետում էին ու պարում, ցորենը փոշիանում էր: Դերենիկ Դեմիրճյան
  3. (խոհր․) սննդի հիմնական բաղադրամաս, պատրաստում են զանազան մթերքներ /հաց, հացաբուլկեղեն, ձավարեղեն, խմիչքներ և այլն/
  4. ցորենի արտ՝ ցանք
  5. (փխբ․) հաց

Ածական

  1. ցորենի հատիկներից կամ դրանց ալյուրից պատրաստված ◆ Ցորեն հաց, ցորեն ճաշ:
  2. (փխբ․) ցորենի գույն ունեցող ու ցորենի պես տռուզ՝ առույգ ◆ Ցորեն երես:

Հոմանիշներ[խմբագրել]

  1. (բսբ․) հացահատիկ, ցորյան (հին) (բնստ․), (գվռ․)՝ խորբալ, խորբար
  2. ցորենահատ, ցորենահատիկ, ցորենհատ, ցորնահատիկ, մուրկ (հնց․)
  3. ցորենարտ, ցորենտեղ, ցորնատեղ
  4. տե՛ս հաց

Արտահայտություններ[խմբագրել]

  1. ցորեն է թե՞ գարի (խսկց․) - նորածինը տղա՞ է, թե՞ աղջիկ
  2. ցորեն հաց որ չունես, ցորեն լեզու՞ էլ չունես (խսկց․) - եթե չքավոր ես (չես կարող հյուրասիրել), գոնե քաղցր լեզու ունեցիր
  3. ցորեն չեմ կերել, արտի կողքից անցել եմ (խսկց․) - ուսում չեմ առել, բայց քիչ թե շատ հասկացողություն ունեմ
  4. վերի արտի ցորե՞նն ես (խսկց․) - ինչու՞ պետք է քեզ բացառիկ արտոնություն տալ, ինչ որ մենք ենք, այն էլ դու
  5. տարեկան ցորեն - հաճար

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։