փաստ
Վիքիբառարան-ից
Բաժիններ
Հայերեն
Դասական ուղղագրութեամբ՝ փաստ
Վանկեր՝ փաստ
Ստուգաբանություն[խմբագրել]
Ծագումն անհայտ է:
Գոյական
- իրողություն, իրական դեպք՝ եղելություն, իսկություն ◆ Ինչ վերաբերում է ոստիկանների վրա աղյուս շպրտելու փաստին, ապա ինքը համոզված է, որ ուսանողները մի քանի աղյուս են նետել…հակառակորդների վրա: (Ակսել Բակունց) ◆ Իրերի հիման փաստի հետ չհաշտվեցա ես երեք: (Ավետիք Իսահակյան) ◆ Դա ունի իհարկե իր պատճառները, սակայն փաստը մնում է փաստ: (Վահան Տերյան) ◆ Մարդկանց կանգնեցրել է կատարված փաստի առջև: (Բոգդան Վերդյան)
- իբրև ապացույց բերվող տվյալ, փաստարկ, ապացույց ◆ Յուր առկայությունները նա հաստատում էր փաստերով: (Մուրացան) ◆ Փաստը հենց այն է, որ դու…չքավոր կոլխոզնիկներին հեռացնում ես աշխատանքից: (Նաիրի Զարյան) ◆ Եվ սրանում կասկած չկա, փաստ է՝ ասում է տերտերը: (Հովհաննես Թումանյան)
- օրինակ, դեպք ◆ Ակտիվին պատմեցին ակումբների շենքերը այլ նպատակների համար օգտագործելու անթույլատրելի փաստերի մասին: (Մամուլ)
- որևէ ուսումնասիրություն, հետազոտություն ◆ Իր գիտական եզրակացություններն ու ընդհանրացումները Աբեղյանը հիմնավորել է բազմակողմանի և հարուստ փաստերով: (Մամուլ)
Հոմանիշներ[խմբագրել]
- իրողություն, իսկություն, եղելություն
- փաստարկ, ապացույց, փաստարկություն, փաստարկում, տվյալ
- տե՛ս օրինակ
- նյութ, տվյալ
Արտահայտություններ[խմբագրել]
- փաստի առաջ (առջև) կանգնել - արդեն կատարված իրողություն հանդիպել
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | փաստ(ը) | փաստեր(ը) |
| Սեռ. | փաստի | փաստերի |
| Տր. | փաստի(ն) | փաստերի(ն) |
| Հայց. | փաստ(ը) | փաստեր(ը) |
| Բաց. | փաստից | փաստերից |
| Գործ. | փաստով | փաստերով |
| Ներգ. | փաստում | փաստերում |
| Թարգմանություններ | |
|
|
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
