բարակ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ բա•րակ 

բարակ1[խմբագրել]

Ստուգաբանություն[խմբագրել]

Բնիկ հայկական բառ

Ածական

  1. ոչ հաստ, նվազ հաստություն ունեցող ◆ Հրայրն ուղղեց մոր վրայի բարակ վերմակը։ (Բոգդան Վերդյան)
  2. նիհար ◆ Խնդրեմ, խնդրեմ, — վրա բերեց Շահյանը բավական անհարմար զգալով իրեն այդ բարակ, հիվանդոտ աղջկա առաջ։ (Նար-Դոս)
  3. փոքր տրամագիծ ունեցող, նուրբ ◆ բարակ թել
  4. փոքր ծավալ ունեցող, ոչ հորդ, քիչ, նվազ, մանրակաթիլ, ոչ վարար ◆ Վերևից բարակ անձրև էր գալի։ (Նար-Դոս) ◆ Անձրև էր մաղում իմ գլխին բարակ։ (Եղիշե Չարենց)
  5. (փխբ․) սակավ, քիչ ◆ Էս տարի հացը բարակ է։ Հովհաննես Թումանյան
  6. սակավաջուր, ոչ վարար ◆ Փողոցներով հոսում էին բարակ, զուլալ առվակներ։ (Ակսել Բակունց)
  7. նեղ, ոչ լայն ◆ Բացվում էր մի բարակ ճանապարհ։ (Ակսել Բակունց)
  8. թույլ, նվազ ◆ Հենց էս ժամանակ ներսից մի բարակ ձեն էր գալիս։ Հովհաննես Թումանյան
  9. մեղմ, թույլ ◆ Ձորի բարակ քամին թաց տախտակների բույրը տանում էր հեռու։ (Ակսել Բակունց)
  10. մանր, նուրբ, մանրահատիկ, նոսր ◆ Արծիվը չէր նկատել բարակ ցանցը, որ պատում էր ճագարին։ Հովհաննես Թումանյան
  11. բարեձև, ճկուն, նուրբ ◆ բարակ իրան
  12. զգայուն, դյուրազգան, նրբազգաց ◆ Այդ հսկա տղամարդը բարակ սիրտ ուներ։ (Ակսել Բակունց)
  13. նուրբ, մեղմ, ոչ խիստ ◆ բարակ զրույց (փխբ․)

Մակբայ

  1. (փխբ․) (արևմտհ․) ուշադիր, մանրազնին, նրբազնին կերպով ◆ Բարսեղ էֆենտի հագավ սև վերարկուն, որ քիչ մը նեղ կուգար իրեն, բայց բարակը նայելու ժամանակը չէր։ (Երվանդ Օտյան)
  2. նուրբ, նազուկ ◆ բարակ մատներ
  3. մանրուք, փոքր բան ◆ Ի՞նչ կա այդպես բարակները մտածելու։ (Դերենիկ Դեմիրճյան)

Հոմանիշներ[խմբագրել]

  1. նուրբ, նրբին, անոսր, անգայտ (հին), թել-դերձան (նվազ հաստություն ունեցող)
  2. քիչ, նվազ, (փոքր ծավալ ունեցող)
  3. սակավաջուր, նվազաջուր (փոքր ծավալ ունեցող)
  4. մանր, մանրահատիկ (ավազ)
  5. տե՛ս նուրբ
  6. տե՛ս բարեձև
  7. տե՛ս մեղմ

Արտահայտություններ[խմբագրել]

  1. բարակ աղբյուր -
    1. սակավաջուր աղբյուր ◆ Ու հենց ուզում էր բերանը բանա, բարակ աղբյուրի նման արցունքը ծլլում էր։ (Ակսել Բակունց)
    2. սակավ, բայց մշտական եկամուտ ◆ Անպակաս լինի քո ուրախությունը, ով Հասան, բայց եթե աշխատանքիդ էդ բարակ աղբյուրն էլ կտրի, ի՞նչ պիտի անես։ Հովհաննես Թումանյան
  2. բարակ մանել -
    1. մանելիքը բարակ թել դարձնել
    2. ոտքի վրա երկար հիվանդ լինելու հետևանքով մաշվել
  3. բարակ հաշիվ անել - բոլոր մանրուքները հաշվի առնել, հանգամանորեն կշռադատել
  4. բարակ աղիքը կտրվել - տե՛ս մեռնել
  5. բարակ հաշիվ
    1. տե՛ս մանրամասնություն
    2. բծախնդրություն
  6. բարակ մանել - տե՛ս նիհարել
  7. բարակ քամի - տե՛ս զեփյուռ
  8. բարակը նայող - տե՛ս բծախնդիր
  9. բարակ թել
  10. բարակ վերմակ
  11. բարակ անձրև
  12. բարակ ճանապարհ
  13. բարակ քամի
  14. բարակ սիրտ
  15. ծանր ու բարակ
  16. երկար բարակ
  17. ձեռքը բարակ
  18. ծանր բարակ
  19. հաստ ու բարակ

բարակ2[խմբագրել]

Ստուգաբանություն[խմբագրել]

Փոխառություն իրանական աղբյուրից՝ * bārak, որից թուրքերեն barak, կիրգիզերեն barag:

Ածական

  1. որսկան շուն, քերծե, թազի ◆ Սպասավորի փոխարեն ներս մտավ նրա գեղեցիկ, ոսկեգույն բարակը։ (Րաֆֆի)

Հոմանիշներ[խմբագրել]

Արտահայտություններ[խմբագրել]

Թարգմանություններ[խմբագրել]

բարակ2[խմբագրել]

Գոյական

  1. տե՛ս բարաք ◆ Նրանք ապրում էին երկու շարք փշալարով պատած բարակներում։

Աղբյուրներ[խմբագրել]