նուրբ
Jump to navigation
Jump to search
Հայերեն
- ՄՀԱ՝ [nuɾb]
Դասական ուղղագրութեամբ՝ նուրբ
վանկեր՝ նուրբ
Ստուգաբանություն[խմբագրել]
Բնիկ հնդեվրոպական՝ snōbri` snēbhri- «նուրբ, նեղ» արմատից․ հմմտ․ հին շվեդերեն snoever «նեղ», նորվեգերեն snoevr «նեղ, նրբին, ճկուն, սեղմ»։
Ածական
- լայնական կտրվածքով շատ փոքր, բարակ, աննշան հաստություն ունեցող ◆ Նուրբ թել՝ լար՝ մազ: Սառույցի ձյան նուրբ շերտ:
- բարակ՝ ոչ հաստ նյութից պատրաստված՝ հյուսած, նրբաթել ◆ Նուրբ գործվածք՝ սպիտակեղեն:
- ոչ թանձր, թափանցիկ, անոսր ◆ Նուրբ մշուշ՝ ծուխ:
- ոչ խոշոր, ոչ հաստ, ոչ խոշորակազմ ◆ Նուրբ մարմին՝ իրան:
- ոչ կոպիտ, գեղեցիկ ու նրբագիծ ◆ Նուրբ դեմք, շրթունքներ:
- սուր, բարձր, բարակ (ձայնի հնչյունի մասին), բարձր ձայնաստիճան ունեցող ◆ Նուրբ ծղրտոց՝ ճիչ:
- մանր կամ մանրագույն մասնիկներից՝ հատիկներից բաղկացած՝ կազմված ◆ Նուրբ ավազ՝ ալյուր՝ փոշի:
- փոքրագույն մանրամասների վրա հարկ եղած ուշադրություն դարձնելով պատրաստվող՝ սարքվող, մեծ ուշադրություն ու մանրակրկիտ աշխատանք պահանջող ◆ Նուրբ մեխանիզմ՝ սարք: Նուրբ քանդակ:
- զգայուն ու խորաթափանց ըմբռնում՝ մոտեցում պահանջող ◆ Նուրբ խնդիր:
- սուր, խորաթափանց, նրբամիտ ◆ Նուրբ մտածողություն՝ դատողություն:
- բարձր զգացողություն ունեցող, զգայական ընկալման մեծ ունակությամբ օժտված ◆ Նուրբ տեսողություն՝ լսողություն՝ դիտողականություն:
- հանգամանալից, ստույգ և մանրամասներն ընդգրկող, մանրունքների մեջ թափանցող ◆ Նուրբ իմացություն: Մասնագիտական գիտելիքների նուրբ տիրապետում:
- շատ փոքր՝ թույլ, հազիվ նշմարելի՝ նկատելի ◆ Գույնի նուրբ երանգներ:
- կիրթ, բարեկիրթ, նրբավարի ◆ Նուրբ վարվելակերպ՝ վերաբերմունք:
- նազանք արտահայտող, նազանքով կատարվող ◆ Նուրբ շարժուձև՝ շարժում:
- զգայուն, շուտ զգացվող ◆ Նուրբ հոգի՝ սիրտ:
- քողարկված, ոչ բացահայտ, հնարամտորեն թաքցված ◆ Նուրբ խորամանկություն:
- մեղմ, մեղմություն արտահայտող, ոչ խիստ ◆ Նուրբ դիտողություն՝ ակնարկ:
- քնքուշ, հաճելիորեն փափուկ՝ բարակ ◆ Նուրբ մաշկ՝ ձեռքեր:
- նրբանկատ և զգուշավոր մոտեցում պահանջող, փափկանկատ ◆ Նուրբ վիճակ՝ դրություն հանձնարարություն:
- խորամանկ, հեռատես, շրջահայաց ◆ Նուրբ գործամոլ:
- խորամանկորեն՝ շրջահայեցությամբ արված՝ հորինված՝ նյութված ◆ Նուրբ խարդավանք:
Հոմանիշներ[խմբագրել]
- բարակ
- նրբաթել, նրբահյուս, անգայտ, (հնց․)
- անոսր, թափանցիկ
- գերմակ
- տե՛ս գեղադեմ
- գեղակազմ, գեղեցկակազմ, բարեկազմ, վայելչակազմ, նրբակազմ, կանոնակազմ, քաջակազմ, ազնվակազմ, սլացիկ, կառուցիկ, գեղահոդ, գեղեցկահոդ, բարեհոդ, գեղահասակ, գեղեցկահասակ
- տե՛ս քնքուշ
- տե՛ս զգայուն
- տե՛ս նազանի
- տե՛ս մանրակրկիտ
- տե՛ս խորաթափանց
- տե՛ս կիրթ
- տե՛ս նրբանկատ
Արտահայտություններ[խմբագրել]
| Թարգմանություններ | |
| |
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։