գաղութ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ գաղութ

վանկեր՝ գա•ղութ 

Ստուգաբանություն[խմբագրել]

Փոխառություն՝ արաբերեն gālūθā, ասորերեն gālūθā:

Գոյական

  1. իմպերիալիստական պետության կողմից բռնատիրված և շահագործվող երկիր ◆ [Նրանք] պահանջում էին գաղութների վերաբաժանում։ (Գարեգին Սևունց)
  2. գաղութային երկրի ժողովուրդը
  3. գաղթավայր, այն երկիրը՝ երկրամասը և այլն, որտեղ գաղթականությունը բնակություն է հաստատել
  4. նոր երկրում հաստատված գաղթականների ամբողջությունը, գաղթականություն ◆ Մինչդեռ մենք Մոսկվայում, ուր բազմահազար ու հարուստ գաղութ ունենք, չունենք գեթ մի փոքրիկ ընկերություն, մի հիմնարկություն, որի նպատակը լիներ հայոց լեզվի պահպանումն ու տարածումը։ (Վահան Տերյան)
  5. կալանավորներին՝ գերիներին պահելու տեղ
  6. (հվքկն․) (փխբ․) գաղութացված երկրի բնակչությունը
  7. (կենդբ․) իրար հետ միացած և մեկ զանգված կազմող առանձնյակների ամբողջությունը
  8. միատեսակ հիվանդությամբ տառապողների մեկուսացման ու բուժման առանձնացված հիվանդանոց
  9. անչափահաս հանցագործների, անտուն երեխաների հավաքավայր՝ ուղղման, դաստիարակության նպատակներով, մանկական գաղութ ◆ Նա վերադարձավ գաղութ, իսկ երեկոյան դաստիարակին ասաց․ - վաղը ինձ մի՛ ուղարկեք։ (Մամուլ)
  10. գաղութում ապրողների ամբողջությունը ◆ Գաղութը քաղաքից դուրս… քարեր էր հավաքում։ (Մամուլ)
  11. Նոր և նորագույն ժամանակաշրջանում որեւէ օտար պետության իշխանության ներքո գտնվող երկիր կամ տարածք, որը զրկված է քաղաքական և տնտեսական ինքնուրույնությունից և կառավարվում է մետրոպոլիայի (հուն.՜ մայր քաղաք, այս դեպքում' մայր երկիր) կողմից պարտադրված հատուկ վարչաձևով
  12. Որևէ ազգության ներկայացուցիչների համախմբված բնակեցումը (բնակավայրը) օտար երկրում
  13. Ազատազրկման վայր
  14. (երկրբ․) կենդանի կամ բրածո օրգանիզմների խումբ, որը հայտնաբերվել է այն շրջանում կամ ապարներում, որոնց համար այդ օրգանիզմները բնորոշ չեն

Հոմանիշներ[խմբագրել]

  1. գաղթօջախ, գաղթավայր, գաղթաշխարհ, գաղթատեղի, գաղթարան, տարագրավայր, գաղթանոց, գաղթաշենք
  2. կալանավայր, կալանատեղի
  3. գաղթականություն

Աղբյուրներ[խմբագրել]

  • Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։