ծիծաղ

Վիքիբառարան-ից

Հայերեն

«ծիծաղ» ժեստը հայերեն ժեստերի լեզվով
Ծիծաղ

Դասական ուղղագրութեամբ՝ ծիծաղ

վանկեր՝ ծի•ծաղ 

Ստուգաբանություն[խմբագրել]

Բնիկ հնդեվրոպական կրկնավոր կազմություն՝ *g՛oig՛l- «պայծառ, զվարթ շողալ» արմատից. հմմտ. հայերեն ծաղ, ծաղր, հունարեն γέλος՝ «ծիծաղ»։

Գոյական

  1. արտաշնչական շարժումներով առաջացող հնչյուններ դեմքի ուրախագին արտահայտությամբ զուգորդված, որպես ուրախության՝ գոհունակության՝ հրճվանքի արտահայտություն ◆  Ձյունի փոշու մեջ հնչեց մի ծիծաղ զվարթ, ինչպես զանգակների ձայնը։ (Ակսել Բակունց) ◆  Մարտոն դեռ առնում էր իր ծաղրածությունները ընդհանուր ծիծաղի մեջ։ Հովհաննես Թումանյան
  2. դեմքի՝ աչքերի՝ հայացքի ցնծագին արտահայտություն ◆ Աչքերի ծիծաղը հմայում Էին դիմացինին։
  3. ծաղր, ծաղրանք։ ◆  Ամենաանշնորհք մարդն ես և բանաստեղծի ծիծաղին արժանի։ Դերենիկ Դեմիրճյան ◆  Գերմանուհին բնազդով զգաց, որ ծիծաղը իրեն է վերաբերվում։ (Ակսել Բակունց)
  4. ուրախությունից բխած՝ ուրախություն արտահայտող ձայներ, ուրախագին ձայներ (փխբ․) ◆ Տոնական ծիծաղն է ամեն տեղ հնչում։
  5. ուրախություն, ցնծություն, հրճվանք (փխբ․) ◆ Հոգվույս դափ ու թմբուկի կիջնե ծիծաղն այս գիշեր։ (Միսաք Մեծարենց)
  6. ծիծաղի նման դուրեկան ձայն, ջրի կարկաչ (փխբ․) ◆ Շատրվանները քրքջում Էին պայծառ ծիծաղով ադամանդեղեն։ (Ավետիք Իսահակյան)
  7. վետվետանք, ցոլք, փայլ (փխբ․) ◆ Աստղերուն ծիծաղը կդիտեմ։ (Վ. Շուշանյան)

Ածական

  1. ծիծաղելի, ծիծաղաշարժ (ժղ․) ◆ Ծիծաղ բան։

Հոմանիշներ[խմբագրել]

  1. խնդուք (արևմտհ․), ժպիտ, քրքիջ, քրքջոց, քռքռոց, հռհռոց, կչկչոց, կարկաչ, կարկաչանք, քահ-քահ, փխկոց, փխփխկոց, փռթկոց, (հնց․)՝ խախանք, խնծիղ, խնծիղք, շխկարա (գվռ․)
  2. տե՛ս ծաղր, ծաղրանք
  3. տե՛ս ուրախություն, ցնծություն

Արտահայտություններ[խմբագրել]

  1. ծիծաղ բարձրացնել
    1. ծիծաղեցնել, ծիծաղել տալ
    2. ծաղրի՝ ծիծաղի առիթ տալ
    3. անզուսպ կերպով ծիծաղել (շատերի)
  2. ծիծաղ բերել
    1. ծիծաղեցնել, ծիծաղել տալ
    2. ծաղրի՝ ծիծաղի առիթ տալ
  3. ծիծաղը բռնել
    1. սկսել անզուսպ կերպով ծիծաղել
    2. ծիծաղելու ցանկություն առաջանալ
    3. ասվում է, երբ մեկի խոսքը՝ պատմածը խիստ անհավանական՝ անհավատալի և այդ պատճառով էլ ծիծաղելի է լինում
  4. ծիծաղ ընկնել (տունը, դահլիճը և այլն) - ընդհանուր ծիծաղ առաջանալ
  5. ծիծաղ հարուցել
    1. ծիծաղեցնել, ծիծաղել տալ
    2. ծաղրի՝ ծիծաղի առիթ տալ
  6. ծիծաղ(ը) շարժել
    1. ծիծաղեցնել, ծիծաղել տալ
    2. ծաղրի՝ ծիծաղի առիթ տալ
  7. ծիծաղը գալ - ծիծաղելու ցանկություն առաջանալ
  8. ծիծաղից թուլանալ՝ մեռնել՝ ուշաթափ (ուշագնաց) լինել - շատ և բուռն կերպով ծիծաղել
  9. ծիծաղ տեսնել մեկի երեսին՝ դեմքին - մեկին ուրախ տեսնել

Աղբյուրներ[խմբագրել]


Վիքիպեդիայում հոդված կա հետևյալ թեմայով՝ Ծիծաղ: