մաղել
Հայերեն
- ՄՀԱ՝ [mɑˈʁɛl]
Դասական ուղղագրութեամբ՝ մաղել
վանկեր՝ մա•ղել
Բայ
- մաղով ընդեղեն մաքրել, մաղի մեջ լցնելով և մաղը շարժելով ընդեղենը, այլուրը և այլն կեղտից մաքրել
- հողը մաղով խճերից և կոշտերից մաքրել
- առհասարակ, մաքրել, ջոկել (փխբ․)
- զտել, զտում կատարել (պետական ապարատի, կուսակցության և այլն) (փխբ․)
- շրջելով, փնտրելով, հետախուզելով հանգամանորեն ստուգել, ցանկացածը հայտնաբերելու, գտնելու համար ◆ Տնետուն մաղեք…գտնեք իմ ոսկի խնձոր տանողին։ (Մ. Խերանյան) (փխբ․)
- ընտրությամբ, քննությամբ և այլ ավելորդ քանակությամբ դուրս չթողնել, չվերցնել, չներգրավել, չընդունել ◆ Կոնկուրսային քննություններով մաղեցին դիմողների կեսից ավելին։ (փխբ․)
- հետազոտել, ուսումնասիրել, մտքի բովով անց կացնել ◆ Ողջ զննել, ողջ մաղել է գիտությունը։ Հովհաննես Թումանյան (փխբ․)
- շաղել, թեթև, մանր կաթիլներով կամ փաթիլներով թափել (անձրև, ձյուն) (փխբ․)
- ընտրել, միմյանցից ջոկել, առանձնացնել, զատել ◆ Այդ ամենը իրարմե զտել ու մաղել դեռ չի կարելի։ Լևոն Շանթ (փխբ․)
- սփռել, տարածել ◆ Համատարած կարիքը թախիծ էր մաղում հյուղակների երդիկների վրա։ (փխբ․)
- քամել, հոսեցնել, կաթիլ առ կաթիլ թափել ◆ Օրորոցիս արյուն մաղել, շիրմիս փորս էր հիմա փորում և… պատրաստվում էր ինձ թաղել։ (Գևորգ Էմին) (փխբ․)
- կրակ տեղալ, գնդակոծել ◆ Սկսեց իր գնդացրից այնպես մաղել, որ շրջակայքի ձորերը թնդացին։ (Վիգերյուս) (փխբ․)
- թեթև, բարակ տեղալ (անձրևի, ձյան մասին)
- (խոհր․) հատիկային մթերքների, ալյուրի միջից ավելորդ տարրերը հեռացնելը, կատարվում է մաղերի օգնությամբ
Հոմանիշներ
[խմբագրել]- խախալել, շարմաղել, խարբալել (հնց․), շատարարել, տաստել (մաղով ալյուրը, ընդեղենը մաքրել)
- քարմաղել (մաղով խիճը, ավազը մաքրել)
- տե՛ս ջոկել
- տե՛ս զտել, ընտրել
- տե՛ս հետազոտել
- տե՛ս սփռել, տարածել
- տե՛ս գնդակոծել
- տե՛ս շաղել, շեղալ
Արտահայտություններ
[խմբագրել]| Բաղադրյալ բառեր | |
| Թարգմանություններ | |
Ստուգաբանություն
[խմբագրել]Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն բայեր
- Հայերեն բառեր փոխաբերական իմաստով
- Քաղվածք/Հովհաննես Թումանյան
- Քաղվածք/Լևոն Շանթ
- Քաղվածք/Գևորգ Էմին
- Հայերեն բառեր խոհարարական իմաստով
- Հայերեն բառեր հնացած իմաստով
- Բառեր «Արդի հայերենի բացատրական բառարան» գրքից
- Բառեր «Հայերեն-անգլերեն-ռուսերեն խոհարարական բացատրական բառարան» գրքից