տարածել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ տա•րա•ծել 

Ստուգաբանություն[խմբագրել]

Բայ

  1. տարածականորեն մեծացնել, ծավալել, ընդարձակել ◆ Հայերը… տարածեցին իրենց առևտրական կապերը Ռուսաստանի զանազան կողմերում (Րաֆֆի)
  2. (փխբ․) որևէ սահմանի՝ աստիճանի հասցնել, որևէ բանի գործունեության՝ ազդեցության շրջանակը լայնացնել ◆ Չպետք է թողնել, որ նրանք իրենց թաթերը տարածեն մինչև արքունիք Ս.Զ.
  3. մի բանի մասին շատերին հայտնել՝ ասել՝ մատչելի դարձնել, որևէ բան լայնորեն հայտնի դարձնել ◆ Լուրը՝ բամբասանքը՝ գաղտնիքը տարածել:
  4. երկարել, մեկնել, պարզել որևէ ուղղությամբ ◆ Ձեռքը՝ աջը տարածել:
  5. փռել, գցել, բաց անել ◆ Գորգը տարածեց հատակին։
  6. փռել որևէ բանով շրջապատը տոգորել՝ համակել ◆ Ծաղիկներն իրենց բուրմունքն էին տարածում պարտեզում։
  7. որևէ բանի գործողության՝ ազդեցության շրջանակները մեծացնել՝ ընդարձակել, վերագրել՝ հատուկ դարձնել նաև այլ բաների ◆ Չի կարելի բնության օրենքները մեխանիկորեն տարածել հասարակության վրա։
  8. վաճառել՝ բաժանորդագրել շատերին ◆ Թերթը՝ գիրքը տարածել:
  9. լայնորեն արմատավորել՝ հաստատել՝ գործադրել՝ կիրառել ◆ Կառավարությունը աշխատում է խաղաղություն տարածել (Րաֆֆի):
  10. շատ տեղերում՝ վայրերում հաստատել՝ դնել, շատ տեղեր ուղարկել ◆ Նա իր գաղտնի գործակատարները տարածել էր Պարսկաստանի բոլոր նշանավոր տեղերում։ (Րաֆֆի)
  11. լսելի դարձնել, հնչեցնել, հասցնել (ձայն, աղմուկ, երգ և այլն)

Հոմանիշներ[խմբագրել]

  1. ծավալել, ընդարձակել
  2. հաղորդել, հռչակել, տարփողել, հայտնի դարձնել, լուրը մեկի բերանը գցել, աշխարհի բերանը գցել, բերանից բերանը բաց թողնել, աշխարհով մեկ անել, (գվռ․) ձանձել, ձրնձել, դավանել
  3. երկարել, մեկնել
  4. տե՛ս սփռել
  5. տե՛ս վերագրել
  6. փռել, գցել, սփռել, բացել, բաց անել
  7. տե՛ս սերմանել
  8. տե՛ս քարոզել
  9. ճարակել, տարաձայնել

Արտահայտություններ[խմբագրել]

Աղբյուրներ[խմբագրել]