վայրենի

Վիքիբառարան-ից

Դասական ուղղագրութեամբ՝

Վանկեր՝ վայ•րե•նի 

Ստուգաբանություն[խմբագրել]

Ածական

  1. բնական պայմաններում ապրող, չընտելացված, վայրի
  2. վայրենաբույս, վայրի, ոչ կուլտուրական, ոչ մշակութային
  3. անմշակ մնացած, չմշակված, մշակության չենթարկված
  4. անապատային, անբնակ, ամայի ◆ Վայրենի վայրեր՝ երկիր:
  5. հեռավոր ու հետամնաց,խուլ ◆ Իսկ մենք այս վայրենի ծմակից դուրս չենք գալիս: (Ակսել Բակունց)
  6. չպատվաստված՝ վայրի բույսի տված ◆ Կերել էր վայրենի պտուղներ: (Հովհաննես Թումանյան)
  7. բնական պայմաններում գտնվող թողնված, կուսական ◆ Վայրի անտառ՝ բնություն:
  8. նախնադարյան վիճակում գտնվող, վայրենության աստիճանի վրա գտնվող
  9. անկիրթ, անդաստիարակ, անկարգ ◆ Դա ին՞չ վայրենի երեխա եք մեծացրել:
  10. կոպիտ, բռի, անտաշ, անկիրթ
  11. մարդկանցից խուսափող՝ փաղչող ◆ Այդ փոքրիկ վայրենիները այնպես էին նայում... ավագ քահանային:(Ակսել Բակունց)
  12. կատաղի, մոլեգին, անզուսպ◆ Էլ չի հռնդում սիրտս վայրենի: (Եղիշե Չարենց)
  13. (փխբ․) անպատշաճ, անքաղաքավարի, սանձարձակ ◆ Այդ ժողովրդական պարերը... պահած են քիչ մի վայրենի բնույթը:
  14. գազանային, անագորույն, դաժան ◆ Մնացածները ենթարկվեցին վայրենի ու դաժան ծեծի: (Դերենիկ Դեմիրճյան)
  15. (փխբ․) գազանաբարո, դաժան, անգութ, վայրենաբարո ◆ Հարձակվեցին գյուղի վրա վայրենիները և կրակի տվեցին:
  16. վայրենուն հատուկ, վայրենական ◆ Աղջիկը չի վախենում նրա վայրենի, սարսափելի ձենից: (Հովհաննես Թումանյան)
  17. (փխբ․) արտասովոր, արտակարգ, սովորականի սահմաններց դուրս եկող ◆ Վայրենի ծիծաղ՝ քրքիջ` ուրախություն:
  18. (փխբ․) անաղարտ, մարդկային ձեռքով չաղարտված, չխաթարված, բնական ◆ Գեղեցիկ էր կախարդական կղզին՝ յուր վայրենի գեղեցկությամբ:(Րաֆֆի)
  19. (փխբ․) արտառոց, տարօրինակ, ծայրահեղության հասած ◆ Լրագրային այդպիսի վայրենի սուտ լուրը մեզանից շատերին շշմեցրեց: (Ալեքսանդր Պուշկին)

Հոմանիշներ[խմբագրել]

  1. վայրի, անընտել, անընտանի, անձեռնասւն, վայրասուն
  2. վայրենաբույս, վայրի
  3. անմշակ, խոպան, կորդ
  4. անբնակ, ամայի, վայրի, անապատային
  5. տե՛ս բարբարոս
  6. տե՛ս հետամնաց
  7. տե՛ս կուսական
  8. տե՛ս անկիրթ
  9. տե՛ս կատաղի
  10. տե՛ս անպատշաճ
  11. տե՛ս դաժան
  12. տե՛ս վայրենաբարո
  13. տե՛ս գազանային

Արտահայտություններ[խմբագրել]