խաղալ

Վիքիբառարան-ից

Բայ[խմբագրել]

Ծովափին խաղացող երեխաներ

Megaphone.svg ՄՀԱ(key): [χɑˈʁɑl]

Դասական ուղղագրութեամբ՝


Վանկեր՝ խա•ղալ 

  1. որևէ կարգի խաղով զբաղվել, ժամանակ անցկացնել: ◆ Երեխաները բակում խաղում են:
  2. որևէ խաղ վարել, կատարել, սպորտային խաղով մրցել իրար հետ
  3. շախմատ, ֆուտբոլ, նարդի խաղելով
  4. հերթական հաջորդական քայլ կատարել խաղի ընթացքում ◆ ձին (կամ ձիով) մի՛ խաղա:
  5. որևէ խաղի տիրապետել, որևէ խաղի կանոնները գործնականորեն իմանալ ◆ Շախմատ խաղո՞ւմ ես:
  6. որևէ բան օգտագործել խաղի համար ◆ Դոմինոյի քարերով դամա են խաղում:
  7. որևէ առարկա խաղալիքի տեղ գործադրել, դեսուդեն շարժել, նետել, դարձնել և այլն ◆ Գդալի հետ մի՛ խաղա:
  8. արագորեն զանազան շարժումներ կատարել, վազվզել, ցատկոտել, թռչկոտել, պտույտներ գործել և այլն ◆ Երկու թիթեռնիկ խաղում են օդում:
  9. պարել (ժղ․)
  10. տարուբերել, տատանվել երերալ ◆ Գերանը ոտքի տակ խաղում էր: (ժղ․)
  11. ջղաձգորեն շարժվել, թրթռալ ◆ աչքը, միսը, մկանունք խաղալ
  12. դեր կատարել, որևէ խաղով հանդես գալ, դերասանությամբ զբաղվել ◆ Այսօր Հրաչյան խաղում է: Արմենյանը Լենինականի թատրոնում էր խաղում:
  13. որևէ բանով զբաղվել ոչ լուրջ կերպով, անփույթ, անկարգ անել մի բան, մի գործի զբաղմուքի վրա ժամանակ վատնել առանց այն կատարելու ◆ Նվագո՞ւմ ես, թե՞ խաղում: (փխբ․)
  14. մեկի, մի բան վերաբերել որպես հաճույքի առարկայի հետ, խաղալիք դարձնել, մեկի հետ վարվել և քմահճույքների համաձայն, առանց նրա կամքի հետ հաշիվ նստելու ◆ Մի՛ խաղա մարդու զգացմունքների հետ: (փխբ․)
  15. անլուրջ կամ անզգույշ, անպատասխանատու, կշռադատված արարքով վտանգի ենթարկել մեկին, մի բան ◆ Քո արարքներով մարդկանց բախտի հետ ես խաղում: (փխբ․)
  16. ներկայացնել բեմական որևէ կերպար, որևէ հերոսի դեր կատարել ◆ Ո՞վ է այսօր Համլետ խաղալու:
  17. ցուցադրել, ձևացնել, ձևանալ, կեղծել ◆ Դաժանություն, լրջություն բարեկամություն խաղալ ◆ Արուսի բնավորության ու հոգու մեջ ոչինչ արհեստական չկա, որ նա խաղա ուրիշի առաջ: (Զ. Դարյան)
  18. բորբոքվել, եռալ ◆ արյունը խաղաց երակներում (փխբ․)
  19. ցոլալ, վետվետել ◆ Պատին խաղում էին արևի շողերը: (փխբ․)
  20. ծփալ, ալիքավորվել ◆ Մեղմ կոհակներով լճակն է խաղում: (փխբ․)
  21. առհասարակ՝ շարժման մեջ լինել, խայտալ, հոսել, փչել (քամու մասին և այլն) ◆ Բուրմունքը թևին՝ զեփյուռն է խաղում: (Վ. Դավթյան) (փխբ․)
  22. ակամայից մի բան անցնել կամ անել ձևացնել ◆ Կյանքը իր պահանջները կդնե, մեկ ոտքով կյանքի մեջ ես կարծես. բայց նորեն պետք է երթաս ու աշակերտ խաղաս: (Լևոն Շանթ) (փխբ․)
  23. գնալ, ընթանալ, շարժվել ◆ Մարտակառքով արքայական խաղաց և գնաց իջավ լճափ: (Լ. Միրիջանյան) (հին) (բնստ․)

Հոմանիշներ[խմբագրել]

  1. մրցել (որևէ մարզաձևում, շախմատ և այլն)
  2. թռվռալ, խաղ անել (խաղով զբաղվել)
  3. տե՛ս վազվզել
  4. տե՛ս պարել
  5. տե՛ս շարժվել երերալ
  6. տե՛ս կատակել
  7. տե՛ս դերակատարել
  8. տե՛ս ցուցադրել, ձևացնել
  9. տե՛ս ձևանալ
  10. տե՛ս բորբոքվել, եռալ
  11. տե՛ս վետվետել, ցոլալ
  12. տե՛ս խայտալ
  13. տե՛ս ընթանալ

Արտահայտություններ[խմբագրել]

  1. առաջ խաղալ
  2. ետ խաղալ
  3. հոգու հետ խաղալ

Ստուգաբանություն[խմբագրել]