երգ

Հայերեն

• ՄՀԱ՝ [jɛɾɡ]

Դասական ուղղագրութեամբ՝ երգ

Արտասանություն

վանկեր՝ երգ 

Ստուգաբանություն

Բնիկ հնդեվրոպական *erkou-` *erku «ճառագայթել, շողալ, հնչել, երգել, գովերգել» արմատից. հմմտ. հին հնդկերեն arká «ճառագայթ, երգ, երգիչ», խեթերեն arkuuaāc «աղոթել»։

Գոյական

1. բանաստեղծական-երաժշտական ստեղծագործություն՝ երգելու համար, ձայնագրված ոտանավոր ◆ Լեռնցի օրիորդը երգում էր յուր լեռների, յուր ձորերի երգը։ (Րաֆֆի)
2. փոքրիկ երաժշտական ստեղծագործություն ◆ Սպենդիարյան գրել է մի շարք գեղեցիկ երգեր:
3. քնարական բանաստեղծություն ◆ Գրում եմ պոեմներ, երգեր, երազում եմ գալիքն անծիր։ Եղիշե Չարենց
4. դյուցազներգության՝ վիպերգի յուրաքանչյուր հատվածը, դրվագ
5. ասելիք խոսք ◆ Դու… ցույց տվիր, որ աշխարհին մենք երգ ունենք երգելու։ Հովհաննես Հովհաննիսյան
6. (գրկն․) որևէ մեկի կամ որևէ իրադարձության մասին գրված ընդարձակ չափածո կամ արձակ ստեղծագործություն (պոեմ, դյուցազներգություն և այլն)
7. դրվագ, չափածո մեծ ստեղծագործությունների ամեն մի հատվածի՝ բաժնի անվանում ◆ Հ Թումանյանի «Անուշ» պոեմը բաժանված է վեց երգի:
8. որևէ չափածո ընդարձակ ստեղծագործության հերոսի հրաժեշտի խոսքը ◆ «Չայլդ Հարոլդի հրաժեշտը», Բայրոնի «Չայլդ Հարոլդ» պոեմի… լիրիկական այս հատվածը, Թումանյանը անվանել է «Չայլդ Հարոլդի երգը»:
9. շատ թե քիչ ընդարձակ քերթված ◆ «Ռոլանդի երգը»:
10. (փխբ․) առհասարակ՝ չափական ստեղծագործություն
11. (փխբ․) նվագ
12. (փխբ․) թռչունների ճռվողյուն, սոխակի երգ ◆ Թռչունները ուրախաձայն երգերով ողջունում էին տվնջյան լուսատուի հանդիսավոր ելքը։ (Րաֆֆի)
13. (փխբ․) բնական երևույթների և տարերքի մեղմ ու հաճելի տևական ձայն
14. (փխբ․) շրշյուն, խշրտոց ◆ Ամեն առավոտ ծառերուն երգովը ու թռչուններուն դայլայլովը պիտի արթննանք։ Ռուբեն Զարդարյան
15. (փխբ․) փառաբանական բանավոր կամ գրավոր խոսք (չափածո կամ արձակ)
16. (փխբ․) շատ անգամ լսված՝ կրկնված՝ ձանձրացրած բան
17. (գրկն․) չափածո ստեղծագործություն կամ նրա մասերը մատնանշող հասկացություն, որը գործածվում է տարբեր իմաստներով

Հոմանիշներ

1. խաղ, տաղ, շեր
2. տե՛ս մեղեդի
3. տե՛ս շարական
4. տե՛ս երգեցողություն
5. տե՛ս նվագ
6. դրվագ
7. տե՛ս բանաստեղծություն
8. տե՛ս դայլայլ, ճռվողյուն

Արտահայտություններ

1. երգ ասել - երգել
2. երգ դառնալ
   1. երգի վերածվել
   2. լավ հիշողություն դառնալ, մնալ որպես բարի հիշատակ
3. երգ երգոց
   1. աստվածաշնչի գրքերից մեկի վերնագիրը
   2. (փխբ․) ստեղծագործական մեծ խոյանքով գրված և դարակազմիկ նշանակություն ունեցող երկ
4. երգ կապել - երգ հորինել
5. երգը երգվել - բանը վերջացած լինել, անկումը՝ պարտությունը՝կործանումը՝ վերջը անխուսափելի լինել

Հոլովում

	Եզակի թիվ	Հոգնակի թիվ
Ուղղ.	երգ	երգեր(ը)
Սեռ.	երգի	երգերի
Տր.	երգի(ն)	երգերի(ն)
Հայց.	երգի(ն)	երգեր(ը)
Բաց.	երգից	երգերից
Գործ.	երգով	երգերով
Ներգ.	երգում	երգերում

Թարգմանություններ
անգլերեն՝ song գերմաներեն՝ Lied դանիերեն՝ թուրքերեն՝ şarkı իսպաներեն՝ իտալերեն՝ հոլանդերեն՝ հունարեն՝ τραγούδι շվեդերեն՝ sång պորտուգալերեն՝ ռուսերեն՝ песня (ru) ‎(pesnja) վրացերեն՝ ֆրանսերեն՝ chanson

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։
• Ջրբաշյան Է․Մ․, Մախչանյան Հ․Մ․, Գրականագիտական բառարան (2-րդ լրաց․ և վերամշ․ հրատ․) (Լույս), Երևան, 1980 — 352 էջ։
• Լ․ Տիմոֆեև, Ն․ Վենգրով, Գրականագիտական տերմինների համառոտ բառարան (Հայպետուսմանհրատ), Երևան, 1957 — 247 էջ։