վարդ

Վիքիբառարան-ից

Megaphone.svg ՄՀԱ(key): [vɑɾd]

Վարդ

Արևմտահայերեն ուղղագրությամբ՝ վարդ


Վանկեր՝ վարդ 

Ստուգաբանություն[խմբագրել]

Փոխառություն իրանական աղբյուրից՝ *vard, որից՝ ասորական vardā, արաբերեն vard:

Գոյական[խմբագրել]

  1. վարդազգիների ընտանիքին պատկանող թփաբույս՝ գեղեցիկ ու անուշաբույր ծաղիկներով ◆ Ձորակում ծաղկում, բացվում են վայրի վարդերը: (Ակսել Բակունց)
  2. այդ բույսի ծաղիկը ◆ Տըղան ասավ- Քեզ կպոկեմ, Ա՛յ կարմիր վարդ դաշտի միջին: (Հովհաննես Թումանյան)
  3. որևէ բանի ընտիր՝ գեղեցկագույն կողմը ,լավագույն՝ ընտիր հատկություն՝ հատկանիշ ◆ Կարեկից ես թշվառներին և կարեկցությունը քո իմաստության վարդն է: (Ռուբեն Զարդարյան)
  4. վարդանման զարդերով կանացի պսակաձև գլխի կապ
  5. վարդագույն ◆ Վարդ այտերը դալկացան:
  6. մատաղ ջահել երիտասարդ ◆ Տղա մը վարդ ԶԳ
  7. վարդի նման շատ գեղեցիկ ◆ Ասավ բերավ շարան-շարան վարդ աղջիկներ կանայք Սասման (Հովհաննես Թումանյան)

Հոմանիշներ[խմբագրել]

  1. վարդի, վարդենի, վարդաթուփ, վարդատունկ
  2. վարդածաղիկ
  3. տե՛ս մատաղ, ջահել
  4. տե՛ս գեղեցիկ
  5. տե՛ս կենտ
  6. տե՛ս մոլոշ, տուղտ

Արտահայտություններ[խմբագրել]

  1. վարդ բացվել (ճակատին կրծքին և այլն) - սպանվել (խոցված տեղում արյան հետք մնալով)
  2. վարդ թաշկինակ - ամուսնության ժամանակ նորահարսի ծաղկազարդ թաշկինակ
  3. վարդ ծլել (կրծքին ճականտին և այլն) - սպանվել (խոցված տեղում արյան հետք մնալով)
  4. վարդ կոշիկ - կարմրագույն գեղեցիկ կոշիկ՝ մաշիկ, որ հագցնում էին նորահարսին
  5. վարդ կտրել՝ կտրվել - շիկնել կարմրել
  6. վարդ քաղել - երջանիկ կյանքով ապրել
  7. վարդի ծոց - նույնն է՝ վարդածոց
  8. վարդի նման բացվել - գեղեցկանալ
  9. վարդի պես ապրել - երջանիկ՝ անկարոտ ապրել
  10. վարդի պես պահել - երջանիկ կյանքով պահել
  11. վարդեր բացվեն ոտքիդ տակ(ին) - բարեմաղթություն՝ հաջողակ՝ երջանիկ լինելու
Wiki.png
Վիքիպեդիայում հոդված կա հետևյալ թեմայով՝