սև

Վիքիբառարան-ից
Արտասանություն
սև

Ածական

  • մրի՝ ածխի գույնի: Սև ներկ՝ մազեր՝ ժապավեն:
  • չափազանց մուգ գույնի, թուխ, գորշ: Սև հաց՝ ամպ:
  • մութ, մթամած, մութով պատված ◆ Երկինքը թուխպ, երկիրը սև (Հ. Թումանյան) :
  • խավար, անլույս, խավարամած, խավարի մեջ թաղված՝ ընկղմված: ◆ Սև գիշերն է գրկել ինձ, մութն Է պատել իմ ուղին (Վ. Տերյան):
  • սևամորթ, սև՝ թխագույն մորթ ունեցող: ◆ Սև արաբ՝ խափշիկ՝ ցեղ:
  • սև շորեր հագած՝ կրող, սևազգեստ, սև զգեստներով: ◆ Սև հոգևորականների վայնասունի հետ սկսեցին լսվել նաև մարտակոչ ձայներ (Դ. Դեմիրճյան) :
  • փետուրների՝ մազերի՝ բրդի ևն սև գունավորում ունեցող: ◆ Սև ոչխար՝ կարապ՝ շնիկ:
  • սևագույն բանով կեղտոտված, վրան սևագույն բան (մուր, ածուխ, ցեխ ևն) քսված: ◆ Թաքստոցից դուրս եկավ ամբողջապես սև՝ մուր դարձած դեմքով մի մարդ:
  • մռայլ, չարագուշակ, չարագույժ: ◆ Սև մտքեր՝ մտորումներ՝ նախազգացում : (փխբ․)
  • նեղություններով՝ ցավերով՝ հոգսերով լի: ◆ Սև օր՝ կյանք: (փխբ․)
  • չարություն պատճառող, չարաբեր, չարաղետ, դաժան, վայրագ: ◆ Օրդուները սև իրարու ետև եկան, զարկեցին մեր քարվանն ազնիվ Հայոց լեռներում (Հ. Թումանյան): (փխբ․)
  • չար, չարաբարո, չարափառ, թունոտ: ◆ Մարած Է սև կիրք, լռել Է նախանձ (Հ. Հովաննիսյան): (փխբ․)
  • անմարդկային, տմարդի: ◆ Աշխարհում... ոչ միայն երախտագետ չեն լինում անձնվեր մարդկանց, այլև նրանց ծառայությունները փոխարինում են միշտ սև ապերախտությամբ (Մուրացան) : (փխբ․)
  • բացասական, վատ, հոռի: ◆ Գրքում ներկայացված են նաև կյանքի սև կողմերը, որոնք ստվերում են լուսավորը, լավը : (փխբ․)
  • ոչ որակյալ, հատուկ հմտություն՝ գիտելիքներ՝ վարպետություն չպահանջող ։ (փխբ․)
  • առավելապես անմաքուր և ծանր ֆիզիկական ջանքեր պահանջող: Սև աշխատանք:
  • մանր մետաղադրամ հանդիսացող (առավելապես՝ պղնձյա): ◆ Սև փող՝ գրոշ՝ կոպեկ: (փխբ․)
  • սևագործ, սև աշխատանք կատարող: ◆ Որպես զավակ սև բանվորի, վաղուց սովոր (Է) նեղ օրերի (Հ. Հակոբյան): (փխբ․)

Գոյական

  • սև գույն:
  • սև գույնը և սև հանդերձանքը որպես սգի խորհրդանշան: Սև հագնել: ◆ Սևով պատել:
  • սուգ: ◆ Ողջ կյանքը սևով անցավ :
  • սևագույն տարածություն՝ տեղ՝ մաս: ◆ Բայց սևը շարունակում է մեծանալ և, մինչև քոչի սարից իջնելը, բռնում է դաշտի կեսը (Հ. Մաթևոսյան):
  • սևագրություն
  • սևերը: ◆ Շախմատի՝ շաշկիի ևն սևագույն քարերը՝ ֆիգուրները:
  • սևերով խաղում է աշխարհի չեմպիոնը:

Վանկեր՝ սև 

Հոմանիշներ[խմբագրել]
Արտահայտություններ[խմբագրել]

Ստուգաբանություն[խմբագրել]