փափուկ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ փափուկ

վանկեր՝ փա•փուկ 

Ստուգաբանություն[խմբագրել]

Ծագումն անհայտ է:

Ածական

  1. այնպիսին, որ հեշտությամբ սեղմվում՝ ճնշվում է ձեռք տալիս, ոչ կոշտ, կակուղ ◆ Փափուկ վերմակ՝ բարձ:
  2. փխրուն, հեշտությամբ ճկվող՝ բեկվող կոտրվող ◆ Փափուկ ոստ՝ մետաղ:
  3. նուրբ, քնքուշ, գիրգ, փափլիկ (մարմնի և նրա մասերի վերաբերյալ) ◆ Փափուկ կռներ:
  4. շոշափելիս հաճելի քնքշություն ունեցող, նուրբ, բարակ, մետաքսանման ◆ Փափուկ մազեր՝ բուրդ:
  5. ոչ կարծր, այնպիսին, որ կարելի է սեղմելով ձևափոխել՝ զանազան ձևեր տալ ◆ Փափուկ մոմ՝ կավ:
  6. մշակելու համար ոչ կոպիտ, հեշտ մշակելի՝ կռելի՝ կոփելի ◆ Փափուկ մետաղներ՝ քար:
  7. մեղմ, բարեխառն, ոչ սուր ◆ Փափուկ եղանակ՝ օդ՝ կլիմա:
  8. չհնացած, թարմությունը՝ փափկությունը չկորցրած, չչորացած, չպնդացած ◆ Փափուկ հաց:
  9. հեշտությամբ ծամվող, փխրուն, ոչ կոշտ ◆ Փափուկ խնձոր՝ միս:
  10. լսելու՝ տեսնելու համար դուրեկան՝ հաճելի, տեսողական կամ լսղական հաճելի զգացում առաջացնող ◆ Փափուկ ձայն՝ պատկեր՝ տեսարան:
  11. թեթև, սահուն ◆ Փափուկ քայլվածք:
  12. թույլ, ոչ ուժեղ, թեթև ◆ Փափուկ հով՝ զեփյուռ:
  13. մեղմաբարո, մեղմ բնավորություն ունեցող, հեզ ◆ Բարի, փափուկ մարդ է Գալուստը: Սերո Խանզադյան
  14. մեղմություն՝ քնքշություն արտահայտող ◆ Փափուկ հայացք՝ շոյանք:
  15. բարեսիրտ, գթառատ, զգայուն ◆ Փափուկ հոգի ունի մեր Սամսոնը:
  16. ճկուն, դյուրաթեք {օրինակ|Երիտասարդի փափուկ կազմվածքը նախանձ էր առաջացնում կրկեսի տնօրենի մեջ} ՏԹ
  17. մատղաշ, դալար ◆ Ուռենու փափուկ ոստեր կտրելով՝ նա սկսեց զամբյուղ հյուսել:
  18. ցածրաձայն, հազիվ լսելի ◆ Տերևների փափուկ սոսավյունը միաձուլվում էր առվակի քնքուշ խոխոջի հետ:
  19. նրբանկատություն՝ փափկանկատություն պահանջող ◆ Փափուկ հարց՝ խնդիր:
  20. մեղկ, հեշտալի ◆ Փափուկ կյանք:
  21. մեղմ, զիջող, ոչ կամակոր, ոչ իրասածի ◆ Փափուկ բնավորություն:
  22. ոչ խիստ, մեղմությամբ ասված՝ արտահայտված ◆ Վարժապետն զգացած էր այն փափուկ հեգնությունը, որ կար Գարեգինի հավանողական պատասխանին մեջ: Տիգրան Կամսարական
  23. այնպիսին, որ նստելուց՝ պառկելուց ևն հաճելիորեն սեղմվում՝ նստում Է, ոչ կոշտ ◆ Փափուկ աթոռ՝ անկողին՝ մահճակալ:

Հոմանիշներ[խմբագրել]

  1. կակուղ, փափլիկ, գիրգ, փոփոլ (գվռ․), փամփոշ, փմփխիկ, փմփխուկ, փմփուխ, փմփուս, փմփուշ, փափկիկ, թաթկին, դնդողիկ
  2. տե՛ս փխրուն
  3. տե՛ս քնքուշ
  4. տե՛ս սեղմ
  5. տե՛ս սահուն
  6. տե՛ս գթառատ
  7. տե՛ս սեղմաբարո
  8. տե՛ս դալար
  9. տե՛ս դյուրաթեք
  10. տե՛ս զիջող
  11. տե՛ս հեշտալի
  12. տե՛ս ախորժ
  13. տե՛ս քաղցրալուր
  14. տե՛ս փափկասուն
  15. տե՛ս սիրալիր

Արտահայտություններ[խմբագրել]

  1. փափուկ անկյուն - ապահով ու բարեկեցիկ տեղ
  2. փափուկ բաղաձայններ (լեզվբ․) - լեզվի միջին մասը կոշտ քիմքին մոտեցնելով արտասանվող բաղաձայն հնչյուններ, քմայնացած բաղաձայններ:
  3. փափուկ բարձ դնել մեկի գլխի տակ - սուտ խոստումներով կամ սխալ, բայց անցանկալի տեղեկություններով մեկին հանգստացնել՝ հուսադրել:
  4. փափուկ երես - զիջողամիտ, թույլ բնավորություն ունեցող
  5. փափուկ կահույք - նստելու կամ պառկելու համար փափուկ տեղեր ունեցող զսպանակավոր կահույք
  6. փափուկ պաշտոն - եկամտաբեր պաշտոն
  7. փափուկ ջուր - կրային աղերի նվազ պարունակությամբ ջուր, որի մեջ օճառը հեշտությամբ փրփրում է
  8. փափուկ ռոճիկ - բարձր աշխատավարձ
  9. փափուկ սեռ - նույնն է՝ քնքուշ սեռ
  10. փափուկ սիրտ - շատ զգայուն՝ գթառատ, նրբազգաց, փափկասիրտ
  11. փափուկ վագոն - փափուկ քնատեղերով մարդատար վագոն
  12. փափուկ փող - մեծագումար փող

Աղբյուրներ[խմբագրել]